عزيزي ابن الناس النظيفة .. اسمحلي أجرح مشاعرك النظيفة و أقولك ان للأسف ٩٠% من شعب بلدك شكلهم كده .. شكل البلطجية السرسجية .. بيحطوا فازلين و بيتكلموا كده .. زي عمرو واكد في ابراهيم الأبيض .. آه والنعمة يابرنس .. بينطقوا القاف كاف و الصاد سين .. أشكال ضالة .. ساكنين في امبابة وبولاق و شبرا وأبو اتاتة والسبتية و عزبة النخل .. ده مؤقتا لحد يلاقوا أماكن فاضية في الرحاب .. بيجيبوا هدومهم من أسواق شعبية .. توفيرا للمجهود مش .. للفلوس .. راكبين موتوسكل حلاوة أو أتوبيس نقل جماعي عشان مبيحبوش يسوقوا في الزحمة .. بياكلوا كشري وكبدة كنوع من التغيير .. هتعمل ايه بقي ماهو بلدك متسابة ٥٠% خط الفقر و ٣٠% من غير تعليم و ٢٥% مش لاقي شغل و عايش في حزام العشوائيات .. معلش اوع تزعل يابن النظيفة .. مسيرهم يستحموا .. مسيرهم ينظفوا من بره .. بس امتى سعادتك حتنظف من جوه ؟!
ليست هناك تعليقات:
إرسال تعليق